http://s4.picofile.com/file/7731573973/maviler_kitabi.pdf.htmlحميده رئيس زاده نين ترجمه حاليندا بئله يازيريق:
چاغداش قادينلاريميز ايچره گؤزل و دويغولو شعرلر يازماقلا شهرت تاپان و اوخوجولارين نظرينی اؤزونه جلب ائدن شاعره لردن بيريسی حميده رئيس زاده دير کی شعرده "سحر" تخلص ائدير.
"سحر" 1331نجی ايلده محتشم اردبيل
دياريندا دنيايه گوز آچدی،بير زمان آياق توتوب مدرسه يه گئتدی،
آخر(اقتصاد) رشته سينده ديپلم آلماغا ال تاپدی.سحرين يازديغی شعرلر
اولدوقجا زنگين و محتوالی دير،اوست-اوسته شعرلرينين "سمبوليک" حالتی
وار.انون ايستر فارسيجا،ايستر تورکجه يازديغی اثرلرده تازا مضمونلار،مرمرتک
يونولموش کلمه لر،ائل لغتلری ايشه آپاريليب.سحرين غزللرينده جامعه ميزين
ديلکلری،دردلری،طلبلری ترنم ائدير.
اونون طبعينی سيناماق ايچون بيز اونون احساسلی بير شعرين نمونه ايچون بوردا يازيريق:
غم پنجه سی چالماقدادير
حسرت ياش اولوب گوزللره دولماقدادی،دای گل!
گوزياشلاری آخماقدا سئل اولماقدادی،دای گل!
هجران توری دونيانی قفس تک بورويوبدور
دنياکيمی ،باغريمدا دارالماقدادی،دای گل!
سال داغلارا های،گؤيده بولودلار ديله گلسين
ياپراق کيمی وارليق بويو سولماقدادی،دای گل!
هجرينده گئچن لحظه لری يانقلی سازتک
غم پنجه سی،آه زخمه سی،چالماقدادی،دای گل!
سنسيزليگه دؤزمک نه ساياق ممکن اولارميش
دؤزودوم،دؤزوموم جانيمی آلماقدادی،دای گل!
گل قوی گؤنشين بايداسی دنيايه جالانسين
باغريمدا قارانليق ايزی قالماقدادی،دای گل!
ياتماز، يولونو گؤزلريم اولدوزکيمی گؤزلر
گؤزلر کؤکو، حسرتله سارالماقدادی،دای گل!
هرگؤن "سحر" آدديملارينين ماهنيسين ايزلر
آچميش سحرين باغری قارالماقدادی،دای گل!
|
+| نوشته شده توسط
araz در جمعه سی ام فروردین 1392
|
